ਕਿਉਂ ਸਾਡੇ ਦੇਸ਼ ਵਾਸੀ ਆਪਣੀਆਂ ਗ਼ਲਤੀਆਂ ਤੋਂ ਸਿੱਖਿਆ ਨਹੀਂ ਲੈਂਦੇ ? ਜੇਕਰ ਅਸੀਂ ਬੋਰਵੈਲ ਚ ਬੱਚੇ ਡਿਗਣ ਤੋਂ ਬਚਾਉਣ ਲਈ ਸਿੱਖਿਆ ਲਈ ਹੁੰਦੀ ਤਾਂ ਪ੍ਰਿੰਸ ਦੇ ਬੋਰਵੈਲ ਚ ਡਿਗਣ ਤੋਂ ਬਾਅਦ ਦੇ ਵਿੱਚ ਕੋਈ ਬੱਚਾ ਬੋਰਵੈਲ ਦੇ ਵਿੱਚ ਨਾ ਡਿੱਗਦਾ।
ਅੱਜ ਤੋਂ ਤੇਰਾ ਸਾਲ ਪਹਿਲਾ ਵੀ ਹਲਦਹੇੜੀ ਪਿੰਡ ਜੋ ਹਰਿਆਣਾ ਪ੍ਰਾਂਤ ਦੇ ਜਿਲ੍ਹੇ ਕੁਰੂਕਸ਼ੇਤਰ ਦੇ ਵਿੱਚ ਪੈਂਦਾ ਹੈ , ਵਿੱਚ ਇੱਕ ਇੱਕ ਬੱਚਾ 60 ਫੁੱਟ ਦੇ ਬੋਰਵੈਲ ਵਿੱਚ ਡਿਗ ਗਿਆ ਸੀ ,ਉਸ ਨੂੰ ਫ਼ੌਜ ਦੇ ਦੁਆਰਾ ਬਾਹਰ ਕੱਢ ਲਿਆ ਗਿਆ ਸੀ , ਪਰ ਉਸ ਹਾਦਸੇ ਦੇ ਬਾਅਦ ਵਿੱਚ ਵੀ ਬੱਚੇ ਬੋਰਵੈਲ ਚ ਡਿਗਦੇ ਰਹੇ।
ਕਿੰਨੇ ਇਤੇਫਾਕ ਦੀ ਗੱਲ ਹੈ ਕੇ ਜਦੋਂ ਫਤਹਿਵੀਰ ਬੋਰਵੈਲ ਚ ਡਿੱਗਾ ਉਸ ਤੋਂ ਕੁਝ ਦਿਨ ਪਹਿਲਾ ਹੀ ਬੀਬੀਸੀ ਦੇ ਪੰਜਾਬੀ ਫੇਸਬੁੱਕ ਪੇਜ ਤੇ ਓਹਨਾ ਨੇ , 13 ਸਾਲ ਪਹਿਲਾ ਡਿਗ ਚੁੱਕੇ ਪ੍ਰਿੰਸ ਦੇ ਹੁਣ ਦੇ ਹਾਲ ਬਾਰੇ ਵੀਡੀਓ ਪਾਈ ਸੀ , ਅਤੇ ਮੈਂ ਸੋਚ ਰਿਹਾ ਸੀ ਕੇ ਚਲੋ ਸਾਡਾ ਦੇਸ਼ ਤਰੱਕੀ ਕਰ ਚੁੱਕਾ ਹੈ , 13 ਸਾਲ ਬਾਅਦ ਏਦਾਂ ਦੇ ਹਾਦਸੇ ਨਹੀਂ ਹੋ ਰਹੇ।
ਪਰ ਜਦੋਂ ਫ਼ਤੇਹਵੀਰ ਬੋਰ ਚ ਡਿੱਗਾ ਤਾਂ ਉਸ ਤੋਂ ਬਾਅਦ ਸਾਡੇ ਦੇਸ਼ ਦੀਆ ਤਰੱਕੀਆਂ ਸਾਹਮਣੇ ਆਉਣ ਲੱਗੀਆਂ ਕੇ ਸਾਡਾ ਦੇਸ਼ ਕਿੰਨੀ ਕੁ ਤਰੱਕੀ ਕਰ ਚੁੱਕਾ ਹੈ , ਇੰਟਰਨੇਟ ਤੇ ਲੱਖਾਂ ਦੀ ਤਦਾਤ ਦੇ ਵਿੱਚ ਫ਼ਤੇਹਵੀਰ ਲਈ ਅਰਦਾਸ ਦੁਆਵਾਂ ਤੇ ਪੂਜਾਵਾਂ ਹੋਈਆਂ।
- ਆਟੋ ਵਾਲਾ ਇੰਜੀਨਿਯਰ – ਆਟੋ ਵਾਲੇ ਦੀ ਫਰਾਟੇ ਦਾਰ ਅੰਗਰੇਜ਼ੀ ਨੇ ਮੈਨੂੰ ਪੁੱਛਣ ਲਈ ਮਜਬੂਰ ਕਰਤਾ ਕੇ ਭਾਜੀ ਤੁਹਾਡੀ ਅੰਗਰੇਜ਼ੀ ਏਨੀ ਚੰਗੀ ਕਿਦਾਂ ਹੈ?
- ਗੁੱਸੇ ਤੇ ਕਾਬੂ ਕਿਵ਼ੇਂ ਪਾਇਆ ਜਾਵੇ ? ਦੁਨੀਆ ਦੇ ਵਿੱਚ ਕਰੋੜਾ ਦੇ ਵਿੱਚੋ ਕੋਈ ਇੱਕ ਬੰਦਾ ਹੋਵੇਗਾ ਜਿਸ ਨੂੰ ਗੁੱਸਾ ਨਾ ਆਉਂਦਾ ਹੋਵੇ ,ਗੁੱਸਾ ਆਉਣਾ ਆਮ ਗੱਲ ਹੈ ਪਰ ਉਸ ਤੇ ਕਾਬੂ ਪਾਉਣਾ ਇੱਕ ਕਲਾ ਹੈ।
ਪਿੰਡ ਵਾਸੀਆਂ ਨੇ , ਸਮਾਜ ਸੇਵੀ ਜਥੇਵੰਦੀਆਂ ਨੇ ਅਤੇ ਐਨ ਡੀ ਆਰ ਐਫ ਨੇ ਆਪਣੀ ਪੂਰੀ ਵਾਹ ਲਗਾ ਦਿੱਤੀ ਪਰ ਫ਼ਤੇਹਵੀਰ ਨੂੰ ਬਚਾਇਆ ਨਹੀਂ ਜਾ ਸਕਿਆ , ਲੋਕਾਂ ਨੇ ਖੁੱਲ ਕੇ ਸਰਕਾਰ ਖਿਲਾਫ ਭੜਾਸ ਕੱਢੀ , ਲੋਕਾਂ ਦੇ ਵਿੱਚ ਬਹੁਤ ਰੋਸ ਹੈ।
ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ 4 ਦਿਨ ਬਾਅਦ ਟਵਿੱਟਰ ਦੇ ਉੱਤੇ ਟਵੀਟ ਕਰ ਕੇ ਲਿਖਿਆ ਸੀ ਕੇ ਉਹ ਰੈਸਕਿਊ ਦੇ ਉੱਤੇ ਪੂਰੀ ਨਜ਼ਰ ਰੱਖੀ ਹੋਏ ਹਨ।
Constantly monitoring the rescue operations by @NDRFHQ, local administration & outside experts, which has reached the required depth & are locating Fatehveer. @VijayIndrSingla & Sangrur DC are overseeing the rescue ops. We stand with his family & pray for his well being.
— Capt.Amarinder Singh (@capt_amarinder) June 10, 2019
ਓਹਨਾ ਨੇ ਇੱਕ ਹੋਰ ਟਵੀਟ ਕੀਤਾ ਸੀ ਕੇ ਓਹਨਾ ਨੇ ਡੀਸੀ ਜਿੰਨੇ ਵੀ ਹਨ ਓਹਨਾ ਨੂੰ ਜਿੰਨੇ ਵੀ ਖੁੱਲੇ ਬੋਰ ਹਨ ਓਹਨਾ ਤੇ ਰਿਪੋਰਟ ਸੌਂਪਣ ਨੂੰ ਕਿਹਾ ਹੈ।
Have directed all DCs to ensure that no such open borewell exists in any of the districts & have asked them to submit a report within 24 hours. You can call on our helpline number 0172-2740397 if you have information about any such open borewells in your area.
— Capt.Amarinder Singh (@capt_amarinder) June 10, 2019
ਅਤੇ ਅੰਤ ਨੂੰ 6 ਦਿਨਾਂ ਬਾਅਦ ਸਵੇਰੇ ਖ਼ਬਰ ਮਿਲਦੀ ਹੈ ਕੇ ਫ਼ਤੇਹਵੀਰ ਨਹੀਂ ਬਚਾਇਆ ਜਾ ਸਕਿਆ।
Very sad to hear about the tragic death of young Fatehveer. I pray that Waheguru grants his family the strength to bear this huge loss. Have sought reports from all DCs regarding any open bore well so that such terrible accidents can be prevented in the future.
— Capt.Amarinder Singh (@capt_amarinder) June 11, 2019
ਲੋਕਾਂ ਵਿੱਚ ਰੋਸ ਹੈ ਉਹ ਸਰਕਾਰ ਦੇ ਖਿਲਾਫ ਰੋਸ ਵਿਖਾਵੇ ਕਰ ਰਹੇ ਹਨ।
#Punjab: Locals in Sangrur protest against the state government over death of two-year-old Fatehveer Singh who fell into a 150-foot-borewell on June 6. pic.twitter.com/8QSdOJHxaF
— ANI (@ANI) June 11, 2019
ਇੰਟਰਨੇਟ ਤੇ ਖੂਬ ਗੱਲਾਂ ਹੋ ਰਹੀਆਂ ਨੇ ਕੇ ਜੇ ਬਾਦਲ ਜਾ ਕੈਪਟਨ ਦਾ ਪੋਤਾ ਹੁੰਦਾ ਜਾਂ ਕਿਸੇ ਅਮੀਰ ਦਾ ਮੁੰਡਾ ਹੁੰਦਾ ਤਾਂ ਕੁਝ ਘੰਟਿਆਂ ਦੇ ਵਿੱਚ ਕੱਢਿਆ ਜਾਣਾ ਸੀ , ਕਿਸੇ ਨੇ ਕਿਹਾ ਕੇ ਕੈਪਟਨ ਨੂੰ ਇਥੇ ਕੁਰਸੀ ਡਾਹ ਕੇ ਬੈਠ ਜਾਣਾ ਚਾਹੀਦਾ ਸੀ , ਤਾਂ ਜੋ ਕੰਮ ਤੇਜੀ ਚ ਹੁੰਦਾ ਪਰ ਸਾਨੂੰ ਸਰਕਾਰ ਦੇ ਨਾਲ ਨਾਲ ਆਪਣੀਆਂ ਨਲਾਇਕੀਆਂ ਵੱਲ ਵੀ ਧਿਆਨ ਦੇਣ ਦੀ ਲੋੜ ਹੈ।
ਬੋਰ ਉੱਥੇ ਸਰਕਾਰ ਨੇ ਨਹੀਂ ਪੁਟਿਆ ਸੀ ਅਤੇ ਨਾਂ ਹੀ ਸਰਕਾਰ ਨੇ ਫ਼ਤੇਹਵੀਰ ਨੂੰ ਉਸ ਬੋਰ ਦੇ ਅੰਦਰ ਸੁੱਟਿਆ ਸੀ , ਕੁੱਝ ਗ਼ਲਤੀਆਂ ਸਾਡੀਆਂ ਵੀ ਨੇ , ਜਿੰਨੇ ਵੀ ਬੋਰ ਸਾਡੇ ਆਲੇ ਦੁਆਲੇ ਖੁੱਲੇ ਹਨ ਓਹਨਾ ਨੂੰ ਬੰਦ ਕਰਨ ਲਈ ਅੱਜ ਤੋਂ ਹੀ ਕਮਰ ਕੱਸ ਲਈ ਜਾਵੇ ਤਾਕੇ ਕੋਈ ਹੋਰ ਫ਼ਤੇਹਵੀਰ ਆਪਣੀ ਜਾਨ ਨਾਂ ਗਵਾਏ।